Due righe per restare nella drammatica attualità di oggi.
'O posto
"Aggie pigliate 'o posto"
chi è ca 'o po' chiú dicere?
Gnorsì na frase fatta...
significava crescere...
significava spennere
senza ce penzà tropp'
e fa quadrà 'o bilancio
cu nu lavoro onesto
Ce steva nu contratto
ce steva 'a prestazione
ce stevano 'e salarie
e doppo 'na penzione
Si primma era difficile
mo stamme a 'o paradosso
cu' uno o dduie contratti
e sempe a capa 'a sotto
Tenimme chiú 'e trent'anni
ma sempe 'a cameretta
e tutta 'a vita nosta...
rimane nu progetto
Famiglia...'na chimera
'a machina nu suonno
e pe' truvà lavoro
amma pavà nuie a llore
'O chiammano flessibile
ma è nu sistema 'ngrato
po' 'o chiammano a progetto...
...ma è sulo precariato.
giovedì 22 ottobre 2009
giovedì 23 luglio 2009
Quand' criscenno
Al tempo che passa e alle sensazioni che ne derivano
Quand' criscenno
Quand' criscenno te capita 'e pruvà
sti sensazioni
per dicere 'e mondiali
magari 'a cchiu' 'e diec'anni
so' passati...
e t'arricuordi pure chi a signate
Quand' 'e sorde ca papà e mammà te danno
nun song' regalate nossignore
ma song' sulamente anticipate
Quand' nun song' sempe spuorchi e stropicciati
ma song 'e bancomat frischi e stirati
Quand' cazune, scarpe e maglie
nun song' 'e genitori a l'accattà
e pe c''e ffà vedè tu li 'a chiammà
Quand' cu 'e frati tuoie
te vire duie tre vote dint' 'a n'anno
pecchè tra impegni vari
tutt''e duie jate fuienno
Quand' criscenno ancora
parlann' tra parienti e amice
cose 'e vint' ann' fa te pareno tre mise
Può sta sicuro ca è passate 'o tiempo
e tu t''e fatte gruosse
e sta cunferma t''a da chell'emozione
passanno annanz''o specchio d''o salone
...tu figlie masculo te guarde...
...e vire a pateto guaglione
Quand' criscenno
Quand' criscenno te capita 'e pruvà
sti sensazioni
per dicere 'e mondiali
magari 'a cchiu' 'e diec'anni
so' passati...
e t'arricuordi pure chi a signate
Quand' 'e sorde ca papà e mammà te danno
nun song' regalate nossignore
ma song' sulamente anticipate
Quand' nun song' sempe spuorchi e stropicciati
ma song 'e bancomat frischi e stirati
Quand' cazune, scarpe e maglie
nun song' 'e genitori a l'accattà
e pe c''e ffà vedè tu li 'a chiammà
Quand' cu 'e frati tuoie
te vire duie tre vote dint' 'a n'anno
pecchè tra impegni vari
tutt''e duie jate fuienno
Quand' criscenno ancora
parlann' tra parienti e amice
cose 'e vint' ann' fa te pareno tre mise
Può sta sicuro ca è passate 'o tiempo
e tu t''e fatte gruosse
e sta cunferma t''a da chell'emozione
passanno annanz''o specchio d''o salone
...tu figlie masculo te guarde...
...e vire a pateto guaglione
martedì 30 giugno 2009
Uommeni creature
A volte bambini troppo piccoli, per quanto bravi e preparati, a mio modesto parere non dovrebbero apparire in televisione tanto presto.
Uommeni creature
Song' uommeni?
Song' creature?
là per là me pareno uommeni
però 'o saccio ca song' creature
'E chiammamm' bambini prodigio...
'Ngopp' 'o palco, int''a televisione
mentre sonano, cantano e abballano
ma chi 'o ssape si se divertono
sti creature ca pareno uommeni
Certo uommeni in miniatura
ma so' sempe comunque creature
'a domanda ca sento 'e me fa
"stann buone la 'ngoppa a cantà?"
Mentre cantano, ballano, parlano
saparranno che stanno facenno?
E' l'inizio 'e na grande carriera
ma per loro stanno sempe pazzianno
Ed allora pazziate creature
ca per crescere 'o tiempo ce stà
e si primma faciveve 'e gruosse...
'e creature nunn 'e putite cchiu' fà.
Uommeni creature
Song' uommeni?
Song' creature?
là per là me pareno uommeni
però 'o saccio ca song' creature
'E chiammamm' bambini prodigio...
'Ngopp' 'o palco, int''a televisione
mentre sonano, cantano e abballano
ma chi 'o ssape si se divertono
sti creature ca pareno uommeni
Certo uommeni in miniatura
ma so' sempe comunque creature
'a domanda ca sento 'e me fa
"stann buone la 'ngoppa a cantà?"
Mentre cantano, ballano, parlano
saparranno che stanno facenno?
E' l'inizio 'e na grande carriera
ma per loro stanno sempe pazzianno
Ed allora pazziate creature
ca per crescere 'o tiempo ce stà
e si primma faciveve 'e gruosse...
'e creature nunn 'e putite cchiu' fà.
martedì 12 maggio 2009
Amici
A tutti gli amici... che mancano.
Amici
Agli amice... ca quand' song' overe song' pochi
chill' ca si t'appiccechi poi doppo te perdonano.
Chill' ca pass''o tiempo e poi te chiammano
ca quand' nun ce staie llore te penzano.
Chill' ca si te giudicano almeno te capisceno
e quand' parl' a vanvera s'incazzeno e supporteno.
Ca quand' te ne vai llore te mancano
pecchè gli amice favezi magari nun te capisceno.
E allora addò staje staje tu pienz' a llore
capenn'ca gli amice overe stann' altrove.
Amici
Agli amice... ca quand' song' overe song' pochi
chill' ca si t'appiccechi poi doppo te perdonano.
Chill' ca pass''o tiempo e poi te chiammano
ca quand' nun ce staie llore te penzano.
Chill' ca si te giudicano almeno te capisceno
e quand' parl' a vanvera s'incazzeno e supporteno.
Ca quand' te ne vai llore te mancano
pecchè gli amice favezi magari nun te capisceno.
E allora addò staje staje tu pienz' a llore
capenn'ca gli amice overe stann' altrove.
sabato 9 maggio 2009
Na cosa rara
Credo che quando, dopo tante ricerche ed esperienze non tutte piacevoli,
si riesca a trovare l'amore, si possa dire qualcosa del genere.
Na cosa rara
E t'aggia cunfessà na cosa...
me metto na paura 'e nun te riconoscere
overo forte assaie.
Sì pecchè n'aggie pruvate tante 'e sensazioni
...ma l'ammore overo penze maie.
Na vota era l'affetto
...e 'o chiammaie ammore
Na vota era passione
...e 'a chiammaie ammore
Magari era amicizia
e pure 'a chiammaie ammore
Ma ammore vero nunn'è stato maie
...e si foss' arrivato e nunn''o riconoscesse?
E allora na cosa sola
Si overo sì arrivato
nun te vulesse perdere
perciò rummane ccà
...e fatt' riconoscere.
si riesca a trovare l'amore, si possa dire qualcosa del genere.
Na cosa rara
E t'aggia cunfessà na cosa...
me metto na paura 'e nun te riconoscere
overo forte assaie.
Sì pecchè n'aggie pruvate tante 'e sensazioni
...ma l'ammore overo penze maie.
Na vota era l'affetto
...e 'o chiammaie ammore
Na vota era passione
...e 'a chiammaie ammore
Magari era amicizia
e pure 'a chiammaie ammore
Ma ammore vero nunn'è stato maie
...e si foss' arrivato e nunn''o riconoscesse?
E allora na cosa sola
Si overo sì arrivato
nun te vulesse perdere
perciò rummane ccà
...e fatt' riconoscere.
sabato 2 maggio 2009
Comme t'aggia chiammà?
Non ultima la paura degli abruzzesi per il terremoto, o quando arriva sottoforma di pensieri, sensazioni... questa cosa che si prova, ma che non si puo evitare.
Quindi si va avanti e ci si convive.
Comme t'aggia chiammà?
Chi sì?
Nun te veco ma te saccio...
Te saccio 'a piccerillo
dint'a na stanza buia,
quanno restavo sulo...
Maronna che...
No nun te nommeno
te voglie definì
e si pure nun ce riesco,
cerco 'e me fa capì.
Guaglione nunn 'a cunusce,
te sta sempe vicino
ma nunn 'a vire maie,
cerca 'e t'attanaglià...
ma nun t'acchiappa maie.
Po' crisce e te faie omme
... 'a tiene pe nu figlio.
Quanno t''e fatte viecchie
nun saie manco che è
o meglio, chiù forte 'a siente
chiù 'a tiene 'ncuorp'a tte.
Te vene per ogni cosa
...mò tene na raggione
mo è sulo nu pensiero,
ma 'a quann' simm' nati
nun ce fa stà mai quieti.
Paura...
Sulo mò ca so' viecchie,
guardannola faccia a faccia,
'a saccio overamente,
mò c'aggie fatto tutto...
...sentennola, tremmanne
ma faccio finta 'e niente.
domenica 29 marzo 2009
'A ricchezza d''e parole
Trovo che il dialetto dia maggiore forza al messaggio che si vuole mandare... per questo preferisco scrivere in napoletano.
'A ricchezza d''e parole
Comme 'a na cosa "nosta" 'a che nascimmo,
comme 'a nu stemma 'ngoppa 'o core
ca ce fa arricurdà, quann' è passato 'o tiempo
addò venimmo.
N'addore ca te puorte 'nguolle...
ca nun se perde maje, pure si parte
e vaje luntano... addò vaje vaje.
Na cicatrice doce...
ca è vvote nun se vede, ma ce sta,
'e vvote 'a nascunimmo ma sta llà...
Addò se vene vene è sempe doce sta ferita...
e nun sia maje 'a guaressemo,
restassemo feriti tutt' 'a vita.
'O ssann' tutt' quante,
se parla mmieze 'a via
te fa sfugà l'arraggie
e 'o tuosseco 'e na vita.
Cu isso riesce a dicere,
chell' ca nun se sturia...
ma ca t'abbrucia forte dint' 'o pietto...
...chell' ca detto in italiano
nun fa effetto...
è chesta 'a cosa bella...
'a forza d' 'o dialetto!
'A ricchezza d''e parole
Comme 'a na cosa "nosta" 'a che nascimmo,
comme 'a nu stemma 'ngoppa 'o core
ca ce fa arricurdà, quann' è passato 'o tiempo
addò venimmo.
N'addore ca te puorte 'nguolle...
ca nun se perde maje, pure si parte
e vaje luntano... addò vaje vaje.
Na cicatrice doce...
ca è vvote nun se vede, ma ce sta,
'e vvote 'a nascunimmo ma sta llà...
Addò se vene vene è sempe doce sta ferita...
e nun sia maje 'a guaressemo,
restassemo feriti tutt' 'a vita.
'O ssann' tutt' quante,
se parla mmieze 'a via
te fa sfugà l'arraggie
e 'o tuosseco 'e na vita.
Cu isso riesce a dicere,
chell' ca nun se sturia...
ma ca t'abbrucia forte dint' 'o pietto...
...chell' ca detto in italiano
nun fa effetto...
è chesta 'a cosa bella...
'a forza d' 'o dialetto!
domenica 22 marzo 2009
Terra ferita
Beh... stando all'estero non poteva mancare una poesia sulla nostra cara Italia.
Certo che è strana la situazione di questa terra: tanta cultura, paesaggi splendidi eppure
non si riesce ad uscire dal tunnel... Meno male che la speranza è l'ultima a morire.
Terra ferita
Tene 'a forma 'e na scarpa...
na scarpa che vale,
è pure na scarpa 'e lusso
...è nu stivale
Avessa cammenà...
e certo 'a cammenato,
ma mò so' cchiù 'e trent'anni
ca nun cammina cchiù... ca s'è fermata
è caruta p''a munnezza
dint''e spari 'e na pistola
sta ammiscata int''e precarie
e c''o PIL ca va in malora
Sent' chiacchiere a muntune
ma nisciuno ca l'aiuta...
tanta gente pur piangendo...
è partuta e se n'è gghjuta
Nuje ca all'estero vedimmo
chesta Italia fatta male
ca se storce e nun c''a fa
alluccamme ca ce manca...
ca vulessemo turnà.
Si pecché nuje 'a criticamme
ne parlamm' e ce 'ncazzamme
ma 'a vulimmo accussi' bene
ca 'a vulimmo perdonà...
ed allora un solo grido
"si vabbuone t''e fermata...
ma mo' tuorne a cammenà"
Certo che è strana la situazione di questa terra: tanta cultura, paesaggi splendidi eppure
non si riesce ad uscire dal tunnel... Meno male che la speranza è l'ultima a morire.
Terra ferita
Tene 'a forma 'e na scarpa...
na scarpa che vale,
è pure na scarpa 'e lusso
...è nu stivale
Avessa cammenà...
e certo 'a cammenato,
ma mò so' cchiù 'e trent'anni
ca nun cammina cchiù... ca s'è fermata
è caruta p''a munnezza
dint''e spari 'e na pistola
sta ammiscata int''e precarie
e c''o PIL ca va in malora
Sent' chiacchiere a muntune
ma nisciuno ca l'aiuta...
tanta gente pur piangendo...
è partuta e se n'è gghjuta
Nuje ca all'estero vedimmo
chesta Italia fatta male
ca se storce e nun c''a fa
alluccamme ca ce manca...
ca vulessemo turnà.
Si pecché nuje 'a criticamme
ne parlamm' e ce 'ncazzamme
ma 'a vulimmo accussi' bene
ca 'a vulimmo perdonà...
ed allora un solo grido
"si vabbuone t''e fermata...
ma mo' tuorne a cammenà"
domenica 11 gennaio 2009
Vulesse
Rieccomi...
Ma è una sensazione solo mia?
Vulesse
Vulesse campà comme me vene...
Me vulesse cumpurtà comme me pare
vulesse levà 'a maschera d''o proprio tornaconto...
vulesse ascì d''a gabbia ca blocca tutt''o munno...
vulesse putè parlà, quann' s'adda parlà...
vulesse putè dicere chell ca voglie dicere...
vulesse putè nun ridere, quann' nun voglie ridere
'O ssaccio ca tutti 'o penzano
e saccio quant' è impossibile...
Ma 'e vvote ce stann juorne...
...Maronna quant' so' ipocrita!
Ma è una sensazione solo mia?
Vulesse
Vulesse campà comme me vene...
Me vulesse cumpurtà comme me pare
vulesse levà 'a maschera d''o proprio tornaconto...
vulesse ascì d''a gabbia ca blocca tutt''o munno...
vulesse putè parlà, quann' s'adda parlà...
vulesse putè dicere chell ca voglie dicere...
vulesse putè nun ridere, quann' nun voglie ridere
'O ssaccio ca tutti 'o penzano
e saccio quant' è impossibile...
Ma 'e vvote ce stann juorne...
...Maronna quant' so' ipocrita!
domenica 4 gennaio 2009
L'uocchie ca' ce guardano
Da un commento ricevuto, questa poesia mi è stata praticamente richiesta.
Ho trovato lo spunto di partenza particolare, abbastanza singolare... una poesia su coloro che vedono i partenti dai loro paesi d'origine.
Mi è piaciuto scriverla...
L'uocchie ca ce guardano
Chi 'o ssape comme ce vedeno
l'uocchie 'e chille che guardano
st'esodo 'e tanta gente ca parte e se ne va all'estero
Song' l'uocchie 'e chill' ca parlano...
senza sapè che diceno...
e si pure nun ce cunosceno, parleno e po' ce giudicano
Uocchie ca se dispiaceno...
Uocchie ca ce comprendono...
At' uocchie ca invece rideno
A nuie nun ce ne 'mporta...
Nuje stamm' buono all'estero...
e l'uocchie ca ce interessano...
Song' l'uocchie d''a famiglia...
Chill' ca annanz' rireno...
e ca po' arete chiagneno.
Ho trovato lo spunto di partenza particolare, abbastanza singolare... una poesia su coloro che vedono i partenti dai loro paesi d'origine.
Mi è piaciuto scriverla...
L'uocchie ca ce guardano
Chi 'o ssape comme ce vedeno
l'uocchie 'e chille che guardano
st'esodo 'e tanta gente ca parte e se ne va all'estero
Song' l'uocchie 'e chill' ca parlano...
senza sapè che diceno...
e si pure nun ce cunosceno, parleno e po' ce giudicano
Uocchie ca se dispiaceno...
Uocchie ca ce comprendono...
At' uocchie ca invece rideno
A nuie nun ce ne 'mporta...
Nuje stamm' buono all'estero...
e l'uocchie ca ce interessano...
Song' l'uocchie d''a famiglia...
Chill' ca annanz' rireno...
e ca po' arete chiagneno.
Iscriviti a:
Post (Atom)