'A ricchezza d''e parole

Trovo che il dialetto dia maggiore forza al messaggio che si vuole mandare... per questo preferisco scrivere in napoletano.

'A ricchezza d''e parole

Comme 'a na cosa "nosta" 'a che nascimmo,
comme 'a nu stemma 'ngoppa 'o core
ca ce fa arricurdà, quann' è passato 'o tiempo
addò venimmo.

N'addore ca te puorte 'nguolle...
ca nun se perde maje, pure si parte
e vaje luntano... addò vaje vaje.

Na cicatrice doce...
ca è vvote nun se vede, ma ce sta,
'e vvote 'a nascunimmo ma sta llà...

Addò se vene vene è sempe doce sta ferita...
e nun sia maje 'a guaressemo,
restassemo feriti tutt' 'a vita.

'O ssann' tutt' quante,
se parla mmieze 'a via
te fa sfugà l'arraggie
e 'o tuosseco 'e na vita.
Cu isso riesce a dicere,
chell' ca nun se sturia...
ma ca t'abbrucia forte dint' 'o pietto...

...chell' ca detto in italiano
nun fa effetto...

è chesta 'a cosa bella...
'a forza d' 'o dialetto!

Terra ferita

Beh... stando all'estero non poteva mancare una poesia sulla nostra cara Italia.
Certo che è strana la situazione di questa terra: tanta cultura, paesaggi splendidi eppure
non si riesce ad uscire dal tunnel... Meno male che la speranza è l'ultima a morire.


Terra ferita


Tene 'a forma 'e na scarpa...
na scarpa che vale,
è pure na scarpa 'e lusso
...è nu stivale

Avessa cammenà...
e certo 'a cammenato,
ma mò so' cchiù 'e trent'anni
ca nun cammina cchiù... ca s'è fermata

è caruta p''a munnezza
dint''e spari 'e na pistola
sta ammiscata int''e precarie
e c''o PIL ca va in malora

Sent' chiacchiere a muntune
ma nisciuno ca l'aiuta...
tanta gente pur piangendo...
è partuta e se n'è gghjuta

Nuje ca all'estero vedimmo
chesta Italia fatta male
ca se storce e nun c''a fa
alluccamme ca ce manca...
ca vulessemo turnà.

Si pecché nuje 'a criticamme
ne parlamm' e ce 'ncazzamme
ma 'a vulimmo accussi' bene
ca 'a vulimmo perdonà...

ed allora un solo grido
"si vabbuone t''e fermata...
ma mo' tuorne a cammenà"

Vulesse

Rieccomi...
Ma è una sensazione solo mia?

Vulesse

Vulesse campà comme me vene...
Me vulesse cumpurtà comme me pare
vulesse levà 'a maschera d''o proprio tornaconto...
vulesse ascì d''a gabbia ca blocca tutt''o munno...

vulesse putè parlà, quann' s'adda parlà...
vulesse putè dicere chell ca voglie dicere...
vulesse putè nun ridere, quann' nun voglie ridere

'O ssaccio ca tutti 'o penzano
e saccio quant' è impossibile...

Ma 'e vvote ce stann juorne...

...Maronna quant' so' ipocrita!

L'uocchie ca' ce guardano

Da un commento ricevuto, questa poesia mi è stata praticamente richiesta.
Ho trovato lo spunto di partenza particolare, abbastanza singolare... una poesia su coloro che vedono i partenti dai loro paesi d'origine.
Mi è piaciuto scriverla...


L'uocchie ca ce guardano

Chi 'o ssape comme ce vedeno
l'uocchie 'e chille che guardano
st'esodo 'e tanta gente ca parte e se ne va all'estero

Song' l'uocchie 'e chill' ca parlano...
senza sapè che diceno...
e si pure nun ce cunosceno, parleno e po' ce giudicano

Uocchie ca se dispiaceno...
Uocchie ca ce comprendono...
At' uocchie ca invece rideno

A nuie nun ce ne 'mporta...
Nuje stamm' buono all'estero...
e l'uocchie ca ce interessano...
Song' l'uocchie d''a famiglia...

Chill' ca annanz' rireno...
e ca po' arete chiagneno.

Gente ca' è asciuta 'e casa

Ciao a tutti, è un po' che non aggiorno il mio blog, ma lo tengo sempre sotto controllo.

La poesia è sicuramente un po' triste, però credo che per molti possa essere veritiero quello che scrivo...
Ovviamente, essendo una poesia, certe cose sono ingigantite.
Provate a vedere se ho ragione.


Gente ca' è asciuta 'e casa

E' chella gent' ca nun stà chiù 'a casa...
...e quindi addò sta sta che se ne 'mporta

E' chella gent' ca torna dduie tre ghiuorne
e parte n'ata vota...
...e perde 'e ricorrenz' chiù importanti

E' chella gent' ca cagna 'e tradizioni...
...e ca' nun ce sta maie...
ca 'a vire int' 'e filmini e se fa arricurdà

E' chella gent' ca parte cu 'a speranza 'e turnà ambressa....
e ca si vire 'e ridere, si 'a guard' dint'all'uocchie...
...vire ca nun si diverte.

Amicizia... ammore

Ciao a tutti... provate a vedere se spesso non succede così?


Amicizia… Ammore

Te guard’ e nun te veco
Te cerco e nun te trovo
E cchiù me staje vicino e cchiù nun m’ sent’ bbuone

Che è ‘sta sensazione?
Ce stesse coccuruno ca m’’o sapesse dicere?

Ce penze m’ scervelle
Te chiamm’ ce verimmo
Parlamm’ e nun ce capimmo

Po’ chianu chian’ a stiento a stiento
S’appiccia ’na lucella...
Ce steve l’amicizia
Ce simmo annammurate...

...Vulesseme turnà arete...
E chesto nun c’è dato.

Postato da: dogeron a 18:46 | link | commenti (1)
amore e amicizia, poesie napoletane

Commenti:

#1 28 Ottobre 2008 - 22:31

Bellaaa!!!! Vi voglio bene!!! Baciii !!!
Lu

utente anonimo

Guerr' senza bombe

Ciao a tutti, è un bel po' che non ci si vede... ma ho avuto tante cose da fare e non tutto è stato piacevolissimo.
Alcune cose successe ultimamente mi hanno un po' agitato, è per questo che mi è venuta in mente una poesia scritta un po' di tempo fa.
Provate a vedere se siete d'accordo con me.


Guerr' senza bombe

Veneno 'e corsa, ma nun fanno rummore, se ne stann' in silenzio... ma nun te fanno stà bbuone. È già troppo tardi quanno 'e sient' 'e venì, 'e vulive evità... ma può sulo reagì. Song' 'e mali pensieri... ...'e ppaure 'e tutt''e juorne ca t'abballano 'ncapa... e te spezzan' 'o suonno. So' avversari sleali ca t'attaccano 'nzieme, so' paure e pensieri ca so' tutti diversi... ...int' a una parola, chiammàmmel’ stress. È 'na guerra continua ca nun tene finale, allungammo 'a vacanza, ma nun truvammo maje pace. Cumbattimmo tutt' 'e juorne e tutt' 'e juorne vincimmo... Certo che è strana sta cuntesa canaglia 'a guerr' nun se vence... ...ma vincimmo 'e battaglie.

A tutti i genitori

Ciao a tutti

Beh... queste due poesie non hanno bisogno di stati d'animo particolari, come normalmente accade quando si scrive.
E' semplicemente un riconoscimento a coloro che mi hanno dato tutto... ovviamente senza chiedere nulla in cambio... e ai quali dico grazie di cuore.

'Nu mestiere 'nfame


Primma 'e tutto... nisciuno t''o 'mpara
è 'o mestiere d''a mamma e d''o pate
c'anna ì' p'esperienza indiretta...
ma poi 'e figlie so' tutt' diversi

Nun saie maje se faje bbuone o faje male
si poi a nascere song' uno o dduie frate
...na parola che è bbona cu' uno
...nunn'è ddett' ca è bbona cu 'o frate

Na ricetta fatt' 'e tanti risposte
'e paure e mancati ccarezze
fatta 'e sguard' e di piccoli bluff
ca nun saje se te danno ll'effetto.

Ma poi 'e figlie ca cresceno in fretta
'o ccapisceno e te danno 'a risposta.
Tu ca 'e vvire comunque creature
aie 'a fa' ambressa e aie 'a cagnà 'sta ricetta

Pure chesta nun saje comm' vene
tu saje sulo ca 'e vvuò sempe bbene.
L'esperienza d'ajere nun serve...
...e ssicuro coccosa jarrà stuorto...

ma 'e criature d'ajere crisciute...
mo' te guardano... e t'apprezzano 'o sforzo



Guerr' per finta

Guerra, bbattaglie e quante mazzate

Guardate 'e smerze, indifferenza e sguardi 'nfucati.

Solidarietà, complicità e grandi 'pparlate...

Scusate 'a 'nterruzione ate capito...
ca' ccà 'e protagonisti so' dduie frate?

A mia sorella