'A memoria d'a carta

Sono contro la tecnologia spinta...
Quindi è nata questa poesia, speriamo che vi piaccia... è in dialetto.

'A memoria d''a carta

‘Ngopp’ ‘a nu foglio ‘e carta
Quanta parole scritte
ca teneno na forma
ca parl’ ‘e chi ce scrive.

Sulo verenno ‘a bbusta
sapevemo chi era
E dopp' ca ll’aspettave,
che sfizzio quann’arrivave!

Ogni rigo ca liggive
divintave cchiù curiuso
e cu 'o sang’ ancòra in moto
t’’a liggive n’ata vota.

Oggi ‘o post’ ‘e chesta lettera
ce sta l’SMS,
ca è sfizziuso nun dico niente,
ma alla fine nun te dà niente.


Pecché è sempe tropp’curto
e ‘a memoria d’’o cellulare
rest’ sempe chella llà,
nunn’è ccert' comm’’a nosta
ca putimmo arricurdà.

Ogni vvota ca t’arriva
nu messaggie ‘e chisti ‘ccà,
nunn’’e ssaje nunn ‘e cunusce
si nun penzeno a firmà.

Nun scrivimmo cchiù ca penna
stamm’ annanz' a na tastiera.
E ogni gghiuorne ca trascorre
penzo… ma che differenza!

Chesta stessa differenza
tra  na penn‘ e na tastiera
l’aggie vista poi negli anni,
cu’ int’ ‘o core ‘a pecundria…
Tra ‘na foto digitale
e na granda fotografia.